Terceira sesión: E ti que pensas? & Who inspires you?

 

Competencias clave traballadas:

·         Competencia social e cívica

·         Competencia lingüística

·         conciencia e expresións culturais

Obxectivos xerais ligados ao currículo D86/2015:

“a)Asumir responsablemente os seus deberes, coñecer e exercer os seus dereitos no respecto ás demais persoas, practicar a tolerancia, a cooperación e a solidariedade entre as persoas e os grupos, exercitarse no diálogo, afianzando os dereitos humanos e a igualdade de trato e de oportunidades entre mulleres e homes, como valores comúns dunha sociedade plural, e prepararse para o exercicio da cidadanía democrática.

c) Valorar e respectar a diferenza de sexos e a igualdade de dereitos e oportunidadesentre eles. Rexeitar a discriminación das persoas por razón de sexo ou por calquera outracondición ou circunstancia persoal ou social. Rexeitar os estereotipos que supoñan discriminación entre homes e mulleres, así como calquera manifestación de violencia contra a muller.

d) Fortalecer as súas capacidades afectivas en todos os ámbitos da personalidade e nas súas relacións coas demais persoas, así como rexeitar a violencia, os prexuízos de calquera tipo e os comportamentos sexistas, e resolver pacificamente os conflitos.

g) Desenvolver o espírito emprendedor e a confianza en si mesmo, a participación, o sentido crítico, a iniciativa persoal e a capacidade para aprender a aprender, planificar, tomar decisións e asumir responsabilidades.” (pax. 25.447)

 

Desenvolvemento da actividade:

Pola xornada do 25 de novembro realizouse unha sesión de sensibilización sobre a situación da muller e proporcionáronse datos (presentación E ti que pensas?)que elucidasen a diferente participación social da muller respecto ao home. Ensinouse a presentación, e abriuse un debate moi produtivo sobre casos coñecidos dentro do ámbito familiar e social do alumnado.

Máis adiante, con motivo da xornada do 8 de marzo, proxectouse o vídeo Who inspires you?, realizouse un exercicio de comprensión oral e reabriuse o debate con estas mulleres e o alumnado tivo que proporcionar exemplos doutros casos que se puidesen engadir á lista.